السبت، 23 يونيو، 2012

عرض 3 مشاكل من مشاكل مدينة شربين


 الموضوع : عرض 3 مشاكل من مشاكل مدينة شربين 
1المياة وتلوث المياة .
2 مشكلة الصحة (خاصة فيروس سي)
3 القامة وكيفية الاستفدة منها 
إبتداء العمل يوم الاتنين وتوقفنا يوم الثلاثاء واستئنفنا  العمل  يوم الاربعاء والخميس 
سعات العمل الميداني 12 ساعة 



القضايا المعروضة في الماسة
1 سوء الخدمه الصحيه
2 التميز العنصري
3 تعاطي المخدرات
4 تلوث المياه
5 البطاله
6 الفساد الاداري
7 انحطاط الامن
8 عدم اوعي
9 العنوسه




فريق شاكوش
أسماء فريق العمل .


الشمياء فتحي
أميرة حسني
أحمد طلعت 
عفاف سعد محمد سالم
نهاد عبد الحميد
مها محمد عبد الوهاب
إيهاب عادل 


المكان المقام فية البحث 
شربين





 شربين ، محافظة الدقهلية
أولاً الدقهلية
تقع محافظة الدقهلية شمال شرق الدلتا بمصر. عاصمتها هي مدينة المنصورة، ويبلغ عدد سكان المحافظة حوالي 5 مليون نسمة مما يجعلها من أكبر محافظات مصر سكاناً. سميت الدقهلية بهذا الاسم نسبة إلى قرية دقهلة وهى قرية قديمة تقع حالياً بمركز الزرقا محافظة دمياط. وتقع محافظة الدقهلية في القطاع الشمالي الشرقي لدلتا النيل حول فرع دمياط. يحدها من الشرق محافظة الشرقية ومن الغرب محافظة الغربية ومن الشمال البحر الأبيض المتوسط ومن الشمال الشرقي محافظة دمياط ومن الشمال الغربي محافظة كفر الشيخ ومن الجنوب محافظة القليوبية بين خطى عرض 30.5 °، 31.5 °، شمالاً، وخطى طول 30 °، 32 ° شرقا.

 

المساحة

 

تبلغ المساحة الكلية لمحافظة الدقهلية 3,459 كم2.
تعداد السكان في المحافظة  5871296 نسمة

التقسيم الإداري

تضم المحافظة (18) مركز و(3) مدن. كما يتبعها (110) وحدة محلية وقروية تضم 336 قرية و2072 عزبة وتجمع سكاني صغير.
تاريخها

  • أنشأت في عهد الملك الكامل أحد ملوك الدولة الأيوبية عام 1221 ميلادية وعرفت باسم جزيرة الورد ثم سميت بالمنصورة بعد النصر فيما سمي لاحقا بمعركة المنصورة الذي حققه الشعب المصري على الحملة الصليبية السابعة التي حاولت احتلال مصر.
  • و انتصر المماليك في هذه المعركة ورد الحملة الصلبية وتم أسر قائد الحملة الصلبية في ذاك الوقت لويس التاسع بدار ابن لقمان بالمنصورة والتى لازلت موجودة كمتحف تاريخي.
  • وقعت فيها معركة المنصورة الجوية بتاريخ 14 أكتوبر 1973و تعد هذه المعركة أعظم المعارك الجوية العربية اذ كان لها دور كبير في انتصار مصر في حرب 73

 

 

محافظو الدقهلية


  • اللواء صلاح الدين المعداوي
  • اللواء محسن حفظى
  • اللواء سمير سلام
  • أحمد سعيد صوان
  • فخر الدين خالد
  • اللواء مصطفى كامل
  • سعد الدين الشربيني

مناخ الدقهلية

يسود محافظة الدقهلية مناخ معتدل يميل الى الدفء شتاء مع بعض الأمطار تزداد على السواحل عامة، وحار صيفا حيث يبلغ المتوسط السنوي فى النهاية العظمى لدرجة الحرارة 28.2 والنهاية الصغرى 14.5 والطقس المعتدل يشجع على النشاط والعمل .

الاقتصاد

الزراعة

تعتبر الدقهلية مزرعة مصر الأولى حيث تبلغ المساحة المنزرعة بها 642339 فداناً تمثل (8.3%) من المساحة المنزرعة على مستوى الجمهورية وتنتج (13%) من محصول القطن ؛ (19%) من محصول الأرز ؛ (10%) من محصول القمح ؛ (5%) من محصول الذرة الشامية كما حققت معدلات إنتاج عالية في المحاصيل الرئيسية تفوق المعدلات على مستوى الجمهورية.

الصناعة

تنتشر القلاع الصناعية فى كل مكان بالمحافظة وتشتهر بعدة صناعات عريقة ومتنوعة أهمها الأسمدة - الصناعات الكيماوية - الغزل والنسيج والملابس الجاهزة - هدرجة الزيوت والصابون - الخشب الحبيبى والراتنجات - ضرب الأرز - المطاحن - حليج الأقطان - الألبان - الطباعة والنشر فضلاً عن الصناعات الصغيرة والبيئية التي تمتد فى كل قرى وربوع المحافظة.
تتميز الدقهلية فى مجالات التدريب المهنى وتنظيم الأسرة والأسر المنتجة وتعد من المحافظات الرائدة في الجهود الذاتية والمشاركة الشعبية.
مقر مركز شربين :
مدينة شربين
شربين هي أحد مراكز محافظة الدقهلية. وتعد شربين من البلاد القديمة، وقد وردت في قوانين ابن مماتي، وفي تحفة الإرشاد، وفي التحفة من أعمال الغربية.
أطلق على «شربين» قديما اسم بلاد الأرز شرقا لأنها مشهورة بزراعة الأرز، وجعلت شربين مقرا لهذا القسم، وفي سنة 1871 سمي مركز بلاد الأرز شرقا، وفي سنة 1875 سمي "مركز شربين وقد اختلف البعض في سبب التسمية، ولكن يرجح أنها ترجع لانقسامها إلى كتلتين من الشرب؛ لأنها تقع بين النيل وترعة البلامون التي تشرب منها، فكان هناك «شرب النيل» و«شرب الترعة»، فأصبحت القرية باسم شربين. وتطورت حتي اصبحت مدينة شربين الان
تقع شربين شمال شرق الدلتا شمال محافظة الدقهلية على الشاطئ الغربي لنهر النيل، وتحدهامحافظة دمياط من الشمال، ومن الجنوب مركز طلخا، ومن الشرق مركز دكرنس، ومن الغرب مركز بلقاس. تكمن أهميتها في توسطها لمدينتين كبيرتين وهما مدينة دمياط (الميناء الرئيسي في المنطقة)، ومدينة المنصورة عاصمة المحافظة والمطلة على النيل بجامعتها العريقة.
المساحة الكلية 268 كيلو متر مربع
المساحة المأهوله 268 كيلو متر مربع
المساحة السكنية 11.98 كيلو متر مربع
سكن ومتناثرات 11.98 كيلو متر مربع
منافع وجبنات 10.98 كيلو متر مربع
برك وأراضي بور 0.29 كيلو متر مربع
أراضي زراعية داخل الزمام 244.75 كيلو متر مربع
اراضي زراعية خارج الزمام 0 كيلو متر مربع
  1. من معالم شربين :

  • الكوبرى العلوى الجديد: الذى يربط الطريق السريع شرق النيل وغربه وهو صرح معمارى كبير.
  • الأستاد الرياضى : وهو صرح رياضي رائع أقامته شربين بالجهود الذاتيه على مساحة 16 فدان وبه 3 ملاعب لكرة القدم وملاعب لكل الرياضات وصالات للمناسبات ويشرف عليه مجلس إداره من أبناء شربين.
  • يوجد ناديين بمدينة شربين وهما نادي شربين الرياض ونادي مرفق مياه شربين الرياضي
كبري شربين


ساقيه محمد عبد المنعم الصاوي (مشروع لم يكتمل )
شوارع شربين :

  • شارع 23 يوليو: يقسم المدينه ويوازى شريط السكه الحديد وهو أقدم الشوارع التجاريه ويصل شارعى الجيش غربا والجمهوريه شرقا.
  • شارع الجيش: يصل مدخل شربين الشمالى (الطريق السريع) بالمدخل الجنوبى (كوبرى النيل) مرورا بمزلقان العدوى.
  • وبه فروع البنوك محطة البنزين و المطاعم والمقاهى ومدرسة البنات الثانويه والمستشفى والسنترال.
  • شارع النيل : اهم شوارع المدينه وبه مجلس المدينه والمجلس المحلى والأداره التعليميه والصحيه والمدارس.
  • شارع المركز : به مركز الشرطه والنادى الرياضى والأسعاف ويمتد حتى طريق قرية دنجواى .
شارع نبيل منصور
  • شارع نبيل منصور
الصناعة :
تشتهر شربين بصناعات حلج القطن وصناعة الأعلاف والموبيليا وضرب الأرز
قرى شربين :

  • قريه السعديه
  • كفر الدبوسي
  • كفر الحطبه
  • عزبة البط
  • كفر الشناوى
  • محلة انجاق
  • بساط كريم الدين
  • دنجواى
  • الأحمديه
  • كفر الشيخ عطيه
  • العوضية
  • الـضـهـريـه
  • كفر الترعه القديم
  • كفر الترعه الجديد
  • رأس الخليج
  • كفر الأطرش
  • قرية الحصص
  • قرية ترعة غنيم
  • قرية العياديه

 

معلومات اخرى

تعد من اكبر واقدم العائلات فى شربيين كلا من ( النجار و عبد المحسن و عودة و غيث و السلاب والعدوى وتقي الدين والعراقى والخضرى و السيسى وعياد وعبيه وغنيم وخشبه والتلباني و الحنطور والبراشي )


التقيم النهائي لأداء المشروع 

الحضور لأعضاء ورشة العمل مجموعة العمل 3 أيام
الشمياء فتحي 3
أميرة حسني 0
أحمد طلعت  1
عفاف 3
نهاد 2
مها 3
إيهاب عادل 3

بعد أول يومين تم اسبتعادل أميرة حسني من مجموعة العمل لانها محضرتش ومكنتش متبعة 
مشفناش أحمد طلعت غير أول يوم وبعد كدا إعتزر لظروف شغله
الشيماء كانت منظمة جداً في الحضور وكانت ثابتة في ميدان العمل ومركزة ، لاكن لظروف صحية وعائلية مقدرتش تكتب التقرير النهائي الي هيا مكلفة بية 
عفاف كانت ثابتة في ميدان البحث رغم ظروفها الصحية وكان ليها دور إنها تصور بلموبيل من داخل مرفق مياة الشرب لاكن للأسف مقدرناش نستفاد بصور لانها محطتهمش علي علي ورشة العمل 
مها كانت من الناس المميزة في ميدان العمل وقامت بلعليها ولما اطلب منها تورد كل الي معاها يخص ورشة العمل نفزتة رغم قله خبرتها في المجال دا 
نهاد لظروف إمتحنتها متواجدتش معانا فترات طويله بس لما بتكن معانا كانت بتبقي منشطة مجموعة العمل وكانت بتكتب محضر جلسة كويس بس لظروف إنشغلها بلمتحان مقدرتش تكمله 


أنا طبعاً كنت معتمد علي فريق عمل مكون من 6 اشخاص طبعاً قسمنا نفسنا للجان
اللجنة الالكترونية
لجنة الاتصلات
العلاقات العامه
منسق المجموعه
محضر المجموعه
محرر المجموعه

طبعاً محدش قام بشغله كما ينبغي ان يكون ، طبعاً سفر وبهدله
والمفروض ان اللى كان يكتب الكلام دا المحرر ... بس لظروف عائليه ما قدرش يكتب حاجة ..
المهم إتطريت آسفاً  قبل ميعاد تسليم البحث بأقل من 12 ساعة آنى أكتبة ،، وأنا مش بعرف أكتب غير بالعامية وأنا مدون عامي  ومش ها اقدر اكتبة بالتنسيق المطلوب بس بطلب من الي ها يقراء البحث دا إنة يستحملني ويقراء البحث كله ..






موضوع البحث1 مياة الشرب
يعتبر مرفق شربين من أكبر وأحسن مرافق مياة الشرب علي مستوي الجمهورية والسبب في دا إن كان من حوالي 7 سنين فاتوا وقع في مأخز من المأخز مواد كيماوية والكميائين ماأخدوش بالهم والمياة وصلت الحنفيات في البيوت مسممه ،فا من وقتها والرقابة زادت علية
ها نتكلم في البحث دا عن اللى شفناه واللى الناس حكت عنة لما نزلنا وإتكلمنا معاهم في الشارع والناس الكبيره في السن وهما بيحكوا لينا علي تطور المياة في شربين
1 تم إنشاء المرفق علي يد قوات الاحتلال الانجليزية
2 لفترة قريبة كان كل المكينات اللي في المرفق دا إنجليزيه الصنع وتم الاستغناء عن بعضها تماماً والشركة المتعاقدة اللي بتجيب ليهم المكينات جابتلهم صناعة تشيكي


المشاكل إلي بتقابل الناس
انا :السلام عليكم
العميل : وعليكم السلام ائمرني ؟!
أنا : المياة في شربين حلوة يا حاج ؟
العميل :  آه أحسن من بلاد تانية كتير بتبقي ريحة المياة غريبة
أنا : يعني هنا مش بيقابلك اي مشاكل في المياة
العميل : بنوع من الضحك هيا مصر فيها حاجة مافيهاش مشاكل ؟!
أنا : طب اية اللي بيقابلك ؟
العميل : زي ما أنت شايف أنا ساكن في الدور السادس اهو والمياة مش بتوصلي إلا بمتور رفع دا كمان غير إنها بتقطع اوقات كتير بس الصراحة بقالها كام اسبوع ماقطعتش ربنا يستر
أنا : وإية تاني يا حاج ؟
العميل : مرة كنت إتصلت بيهم محدش رد عليا وبيكلمو الناس وحش
أنا : إزاي يعني ؟
العميل يعني مثلاً مرة كانت المياة قاطعة اتصلت بيهم محدش رد عليا قومت متصل بالنجدة وحولوني عليهم ، فا أول ما رفع السماعة
أنا بقله السلام عليكم ام هابب فيا وقايلي نعم !؟ ، زي ما أكون بشحت منهم
قلتلهم المياة قطعة لية؟؟!!
قالولي بيعملوا تصليحات في الخطوط
قلتله سلام مردش عليا ..
أنا : اه ، طيب في حاجة تانية يا حاج ؟
العميل : إنت من شربين صح ؟
أنا : أه إشمعنا ؟
العميل : قالي عندكوا فلتر ؟!
أنا : أه ، إشمعنا !!
العميل : بتشوف منظرة
أنا : آه
العميل : شوفت بيبقي عامل إزاي
أنا : آه بس أنا عايز اعرف منك إنت لو سمحت
العميل : طينة ورمل وحاجة تقرف وتخيل إننا بنشرب الحجات دي  دي تجيب امراض الدنيا و الاخرة
أنا : عايز تقول حاجه تانيه يا حاج ؟!
العميل : لاء يا ابني
أنا : شكراً سلام عليكم





مرفق مياه شربين
بعدها رحنا مرفق شربين
أول حد قابلناه كان من الأمن
طبعاً طلبنا نصور مارضيش وقالنا : التصوير ممنوع وعلشان تاخد إذن بتصوير لازم تروع المركزية في المنصورة
قلتله : طب إشمعنا لية؟؟!!
قالي : دي حاجة امن قومي مينفعش
قللته : الامن القومي دا مكشوف من علي جوجل إيرث
قالي : ماأعرفش هيا دي الاوامر الي جيالنا ممنوع التصوير قطيعاً
المهم دخلنا علي الابيار بتاعة المياة الي جاية من المأخز وشفنا المكن التشيكي والمكن الانجليزي
وبصراحة مابخلوش علينا بمعلومات

الاحواض
 ..
وورونا المكان اللي بيضيفوا فية الشابة والمكان اللي بيضيفوا فية الكلور
المهم دخلنا في مكان كدا زي الابيار وتم عمل توسعات لحد ما وصلت لحوالي 5 ابيار الفكرة كلها بتتلخص ان المياة فيها بتمر ب 3 مراحل ترسيب بيترسب الطين اللي جاي من المأخز فيها وبيتم صرفها بحاجة زي المساحات
المهم طلعنا المعمل الكميائي وبدئنا نتكلم طبعاً كانوا مفكرنا طلبة في علوم ، فا سبنى الكميائيه تشرح بطريقتها ،،
وملخص الي إستنتجتة منها إنهم بيضيفوا الشابة والكلور بنسب معينة . فا هي تقريباً بتكون كتيرة علشان كدا لما حد اجنبي بيجي هنا مصر أول حاجة بتجيله الاسهال ومش بيجلنا إحنا الاسهال علشان متعودين علية فا هوا دا سبب النقض من برة وإن بعض المستويات مش بتشرب من مياة الحنفية (دا بنسبا لمشروع مياة شربين )
حوارنا مع الكميائية دار كا التالي
أنا : ممكن أسأل حضرتك كام سؤال إلي هو إحنا اساساً جين عشانهم ؟!
: إكيد إتفضل  الكميائية
أنا : حضرتك بتطلبي اية من المواطن العادي علشان يساعدك في شغلك ؟
: بطلب منة إنة يحافظ علي النيل ومايرميش فية حاجة . الكميائية
أنا : طب والحكومة ؟
الكميائية : تساعد علي تطبيق القانون (دا كان في عهد الملك إلي كان بيرمي حاجة في النيل كان بيدفع 50 جنية ) بطالب الحكومة تسن القوانين صح
وعايزين حل كمان لموضوع السدود دا لانه بيقصر علي جودة المياة وبيخليها اكثر سؤ وبيصعب شغلنا
أنا : طيب واخيراً تطلبى ايه من المؤسسة إللي بتشتغلى فيها ؟!
الكميائية :أجهزه أحدث من اللى عندنا
أنا : شكراً لتعاونك معانا ..




بعدها نزلنا لبتوع الامن
فا بنسألهم
أنا : هوا لية لما حد يتصل بيكم ، مش بتردو الا لما يتصل بالنجدة؟
هو : الناس ساعات بتعمل حاجات تجبرك علي كدا
أنا : إزاي يعني ؟! ، وضح
هو : ساعات افتح الخط انتم قطعين المياة لية ، يا عالم يا ولاد كذا كذا كذا
أنا : ايوة بس إنت مهتمك إنك ترد علي الناس
هو : انا ممكن ارد واستحمله ، غيري مش ها يتسحمله وممكن يشتمة
أنا : أيوة بس إنت كدا بتخلص ذنب ناس بناس
هو : نعمل اية ، إنت ها تلتزم وها تتكلم بطريقة محترمة غيرك مش هايتكلم كدا
المهم أجلنا يوم من البحث بظروف ما عند  مجموعة من أفراد ورشة العمل لمدة يوم ورجعنا اليوم الي بعدة ..
خطة العمل هي مشروع المياة ، والمستشفي
رحنا علي مشروع المياة  طلعنا منه علي طول علي معمل البكترولجي
رحبوا بينا وكان عندهم حماس إنهم يشرحوا لينا كل حاجة بدءوا يشرحولنا العينات الموجودة عندهم وإزاي بيحلوا المياة وانواع الطحالب البكتيرية الموجودة في المياة وكيفية الكشف عنها



والاجهزة الي في المعمل كلها تقريباً مرينا عليها طبعاً أجهزة قديمة يمكن تكون إنتهت من الثمانيات في أوروبا وجايبنها هنا وتكون مسئوله عن صحة الناس
المهم بعد ما خلصنا الجوله العلمية دي وعرفنا ان تنقية المياة بتكون بنوع من الرمال معين ونوع من الظلط معين وبياخدوا عينة من كل المراحل الي بتتم داخل المرفق وخارجة كمان
سألناها سؤال
إحنا : حضرتك المياة بتوصل الحنفيات في شربين نقية .. ؟
هي: أيوة طبعاً
إحنا :إمال لية بشوف في الفلتر رمال صفرا
هي: لاء دي مشكله عندك إنت في رمل عندك في المواسير وإحتمال يكون عندك متور رفع مياة
إحنا : طب والحل ؟!
هي : إتصل بمشروع هنا وهما يجيبوا الفنين يشفولك الموضوع دا
إحنا : شكراًً ، طب ممكن نسأل كمان شوية اسئله الي إحنا اساساً جاين عشانها ؟
هي : أكيد طبعاً إتفضل
أنا : حضرتك بتطلبي المواطن العادي بإية حضرتك كا فرد من افراد المعمل الي بيحلل المياة قبل ما الناس تشربها ؟
هي : أممممم والله إنهم يبقي عندهم وعي ما يرموش حاجة في النيل وإنهم يحفظوا علية لان الي عندة فرختين ميتين بيرميهم الي حمارة مات بيرمية
أنا : ومن الحكومة ؟!
هي : إنها تطبق القانون وقانون يكون واضح عن اللي يرمي حاجة في النيل يدفع غرامة مالية
أنا : ومن إدارة المرفق
هي : والله لو في اجهزة جديدة مفيش مشكلة (لاإننا ماشين هنا بنظرية الشاطرة تغزل برجل حمار ) فى كل حاجة بس المشكلة إن الاجهزة تكاد تكون بدائية يعني مثلاً لو عزت اعقم سلتين  بتاخد السله حوالي 24 ساعة يعني محتاجة أستنى 24 ساعة علشان احط السله التانية الي هاتاخد 24 ساعة برضة
أنا : حاجة تانية ؟!
هي : لاء خلاص كدا ويكونوا شاكرين أوي
إحنا : شكراً لتعاونكم معانا
هي : ياريت تشرفونا مرة تانية
إحنا : أكيد السلام عليكم ..
ومشينا وبكدة نكون خلصنا جولتنا في مشروع المياة
الاستنتاج
مشروع المياة صرح عظيم فية كفائات ممتازة ، بس ينقصة شوية حاجات المفروض بتكون اساسية فية وأي دوله محترمة بتحترم حقوق شعبها و تصون كرامتة وصحتة دايماً بتحاول تطور الاجهزة دايماً وبستمرار
التعاقد مع شركات محترمة لتوريد الاجهزة وتخضع للمراقبة بمعني
ماينفعش يجي اجهزة عافي عليها الزمن وكل دا علشان الشركة دي ارخص :1



من المعمل
2 الشركة تخضع للرقابة المستمرة من الحكومة وأي تقصير يتم تطبيق العقوبة علية
3 حل مشكلة السدود في اثيبوبيا
4 بصفة دائمة يتم إختبار عينات في معامل خارجية ومطابقتها مع التحليل الواردة من معامل المرفق
5 ان يكون هناك عماله حراسة علي المأخز لانها عرضة لانه يكون هناك حيوان ميت موجود علي المأخز






المستشفي

وبعد كدا طلعنا علي مستشفي شربين العام طبعاً أول القصيدة كفر وإلحاد كمان :D
عامله في المستشفي
وإحنا دخلين عامله شايله صندوقين زباله وقامت دلقاهم قدام باب المستشفي ودخلت تاني
علي السلم والطرقة زباله وحاجة اقل ما يقال عليها قذارة





في المستشفي




 المهم دخلنا سألنا علي غرفة دكتور مراد الشناوي الي هو المصدر بتاعنا في المستشفي
دخلنا بدأنا أتكلمنا معاة
والدكتور بدء بترحيب بينا وسألنا سؤال تقليدي
إنتو بتعملوا بحث عن اية ؟؟
.. قلناله : عن الصحة عمتاً وفيروس سي تحديداً
قالي: ايوة عايز تعرف اية عن فيروس سي اسبابة واسباب انتشارة والوقاية منة ؟!
قلتله: دا جزئ
قالي: ماتبقاش تقليدي  الحجات دي مليون واحد عملها واتعمل فيها ابحاث كتيرة جداً لو عايز تعرف سبب فيروس سي الحقيقي هوا الفساد ، كنت عايز اسقفله الراجل دا جبلنا من الاخر وريحنا وفهم إحنا جاين لية) )
قالي الفساد هوا السبب الحقيقي للآنتشار مش بس الفيروس لاء لإنتشار كل الامراض
ميزانية وزارة الصحة لا تتعدي ال 2 أو 3 % وفي كل الدول الي بتحترم شعوبها النسبة بتكون من 15 ل 18 % من ميزانية الدوله للصحة



دكتور مراد الشناوي
 ..
تعالي نخدها واحدة واحدة .
الدكتور لما يتخرج بيطلع عينة في الدراسة بيودوة أماكن علشان يتدرب فيها غير صالحة للأستخدام الآدمي ، لدرجة إنك ساعات وإنت داخل الاوضة بتاعتك بليل علشان تنام ، مش بتقدر تخش اوضتك من رائحة المجاري إلي في الاوضة إلي إنت المفروض هتنام فيها .
تاني حاجة حتت موظف في المجلس المحلي هو اللي يجيبك ويوديك لانهم ربطين المستشفي بالمجلس المحلي
تالت حاجة مفيش أمن في المستشفي يعني كان حدثت واقعة إن واحد بيتخانق جاي لينا عايز يتخيط خيطناه كذا واحد مستنينة برة لما خلص قلولة إتخيطت واعدو يفتحو فية من تاني مفيش أمن في المسشفيات دلوقتي المريض بيخش اللي جاين معاة بيشتموا ويلعنوا ويسبوا في الدكتور لو الدكتور إتأخر عليهم
قلتله : وهو لية الدكتور بيتأخر عليهم ؟!
قالي :ها أحكيلك حاجة

مرة كان دكتور جراح بيعمل عملية زايدة منفجرة ، وفي حاله جت كان الدكتور دا هو الي المفروض يتعامل معاها اللي مع المريض فضلوا يشمو ياابن كذا و كذا وكذا
وهوا فوق بيعمل عملية لمريض تاني فا الشفت بيكون فية دكتور في كل تخصص وفي تخصصات معينة مش موجودة اساساً
عندنا هنا في المستشفي وتخصصات مش موجود في اي مستشفي في مصر من الاساس
مفيش كورسات مفيش دورات تدربية اعتبرت الدورات التدربية مفيش واحياناً الدكتور يكون طالع فاشل بس ممكن بدورات تدرببية يحسن من أدائة
طبعاً لما دكتور يفضل واقف 24 ساعة علي رجله مقابل 40 جنية في اليوم ، دا يبقي إسمة اية ؟
وطبعاً في دكاترة مش بيرضوا ينزلوا يشتغلوا في الاستقبال بسبب ان مفيش امن والناس ممكن تهزقة وتتهجم علية يقولك وأنا اية اللى جابرني علي كدا
في الدول المحترمة المفروض تكلفة المريض اثناء وجودة في الاستقبال 170 جنية مصري من ادوية ومعقمات و تنظيف السرير من مريض للتاني طبعاً عندنا هنا في مصر العملية دي لا تتعدي حاجز السبعة جنية
فاسألتة سؤال وقلتله: لية المريض لما يخش بيشتري الادوية ؟!
قالي عندنا مثلاً لو دخلت الاستقبال علي دولاب الادوية هاتلاقي مثلاً مسكن يكفي 7 أشخاص بس
في حال إن ممكن يخشلك في اليوم 150 حاله في الاستقبال ،بيحتاج منهم مثلاً15واحد مسكن ،لو شايفة لابس قميص وبنطلون بقله روح اشتري من بره ، لو شايف ان الشخص اللي قدامي ده فقير ومش ها يعرف يشتري الادوية بديلوا من الحاجات البسيطة إللي عندي وهو دا اللي بيخليك تشتري العلاج من بره
أنا واحد من الناس دكتور في المستشفي هنا أو اي دكتور هنا لما أهله ها يتعبوا مش هايجبهم هنا لانه عارف إن الخدمة هنا غير صالحة للأدمين
كنا في الوقت دا بنتكلم في البلكونة .في الدور التاني والمبني اللي إنا فية حوالي 3 وساند علي السور لقيت في مياة قعت علي دراعي بشئ من الفضول عايز اعرف اية المياة دي ؟! ، لقتها مياة ’ترجيع,
دخلت غسلت إيدي ورجعت قلتله اية المنظر الي حصل دا قالي ادا الحال قدامك أهو
حتى من الاخطاء إنك تلاقي المريض عصبي جداً وخلقة ضيق مفيش في المستشفي ولا في اي مستشفي أنا دخلتها أخصائي إجتماعي يناقش الحالات وبيعمل عنهم تقرير
وزارة الصحة متعاقدة مع شركة واحدة بتوردلها اجهزة من نوع واحد وقديم ولو جابت جهاز حديث عايزين دورات تدربية لية علشان نقدر نشتغل علية
دي في كل المستشفيات عمتاً إللي أنا حكتلك عنة دا
أنا : طب سؤال سريع قبل ما نتنقل لأي موضوع حل الكلام دا اية ؟!
زيادة نسبة الصحة في الموازنة العامة من 15 ل 18 % من موازنة الدوله والاهتمام بلإنسان هو في اهم من الصحة ؟!!
نتقل بقي لموضوع فيروس سي
أولاً نسبة الاصابة بفيرس سي في مصر من 25% تقريباً ، من إجمالي سكان مصر
نيجي مثلاً لموضوع الفشل الكلوي والجهاز الي بنشتغل علية
جهاز قديم وطبعاً وزارة الصحة متعاقدة مع شركة واحده بتنزل جهاز واحد لكل المتشفيات في حوالي 15 او 17 شركة في المجال دا في السوق نشيل منهم النص يفضلنا 7 هما البروفيشنل في المجال دا ننقي اي شركة محترمة فيهم مش شرط شركة واحدة وتنزل لكل المسشفيات العامة جهاز واحد
المهم نيجي بقي للنسب والمريب في الامر طبيعي جداً والنسبة دي في العالم كله اللي بيتصاب بفشل كلوي 10% منهم بيتصاب ب فيروس سي الغريب عندنا في مصر إن 10% منهم بيشفي تماماً منة
طبعاً أنا زهلت من الي بيتقال قلتله بجد ..
ابتسامة خفيفة وقالي مش زي ما فهمت عندنا في مصر التحليل الطبية فاشله بكل ما تحمله الكلمة من معني
بيألفوا تحليل بيدونا احياناً هنا في المستشفي نسب تحليل لو ركزنا فيها ها نلاقي إن المريض دا المفروض أن هو ميت من 6 سنين تقريباً ومتحلل
في مرة اصرينا إننا نحلل العينات دي برة ، وبكود سري محدش يعرفة الا إحنا لقينا العينات جاية مختلفة تماماً عن الوارد عندنا في معمل المستشفي
نيجى لموضوع نقل الدم واكياس الدم
 ..



قلتله بعد إذن حضرتك ، مثلاً بيجي عندنا في الكلية ساعات عربيات تبرع بدم ، العربيات دي بتاخد من الطلبة دم ونيجي نسأل علية في بنك الدم لو إحتجنا ننقل دم لمريض ما بيبعوهولنا بفلوس
اشرح لينا الموضوع دا بكل بساطة
لإن الدم دا المفروض وزارة الصحة بتدفع فية فلوس كتير علشان تحلله و تعمله فحصات كتير علشان تشوفوا صالح ولا لاء
فا كان الرد الطبيعي جداً طيب لية وزارة الصحة ماتدعموش ويكون مجاني لان اللي بيتبرع بية بيتبرع بية مجاني .
قالي :الميزانية ماتساعدش
وكان في قرار أقل ما يقال علية إنه غبي إن اللي محتاجة جوا المستشفي ياخدة ببلاش والي هايخده برة يدفع فية فلوس
موضوع تاني بعض المرضي جابوا هنا أحد الزملاء معانا كعب داير 6 ايام تحقيقات علشان مرضاش يديله دم  النسبة المفروض لما تعدي حد معين معتش اديله دم بديله حديد وبس هوا عايز دم بيدي للمرضة فلوس تجبلوا كيس دم فا اكتشف الموضوع دا فا اشاكل معاة وشتمة وقالوا والله لمعرفك وعلشان هو كان راجل واصل وفي مجلس المدينة وهنا وهنا لفوا كعب داير
قال كلام كتير جداً بس إختصار للوقت وللموقف إلي أنا اتحطيت فية معدش عندي قدرة إني أحكي بس ممكن لو حد حابب إنة يعرف اي حاجة ومعلومات او اى شئ ممكن اشرحة قدام الجميع ..
الحل لموضوع الصحة في مصر
1 توفير الامن
2 زيادة نسبة الصحة في الموزانة العامة في الدوله
3 إتاحة التأمين الصحي وتدعيمة ويكون في تأمين صحي حقيقي مش مجرد اسمى أكشف وماالقيش الدواء او اخد كوكتيل دوا علشان اللي المفروض أنا اخدة مش لاقيه
4 جعل فترة العمل من 6 إلي 8 ساعات
5 زيادة مرتبات وتقدير الدكاترة
6 الاهتمام بتمريض وزيادة مرتباتهم وتوفير الدورات التدربية المستمرة لهم
بعد كدا نزلنا كلمنا الناس في الشارع طلبنا إننا نصورهم فديو رفضوا حتى صوتهم يطلع واكتفوا بالكلام واترجونا مانقلش اسماؤهم وطبعاً دا حقهم
أنا : إزيك اي حاج ؟
المريض : الحمد لله
أنا : عندك اية يا حاج وجاي المسشفي لية ؟
المريض : بغسل كلى يا إبني
أنا : الموضوع دا عندك من امتى وبتتعالج فية من أمتى يا حاج ؟
المريض : من يجي 5 سنين كدا
أنا : الخدمة حلوة جوه يا حاج ؟
المريض : زي ’الخرا ,والله يا إبني
أنا : اية الي مش عجبك جوه يا حاج؟؟
المريض : بفضل فترة طويله ، ودي مش مشكلة ، المشكلة إن كل حاجة جوه بفلوس وأنا مرتبي يعني مش كبير ولا حاجة
أنا : مرتبك كام يا حاج؟؟
المريض : يعني حوالي 700 جنية بعد الثورة
أنا : المعامله اتغيرت بعد الثورة معاك يا حاج؟؟
المريض : إتغيرت شوية وبعدين رجعت زي ما كانت وساعات الممرضات بيزعقولي
أنا : لية ؟
المريض : علشان بطلب دواء او كدا
أنا : ماحولتش تشكي يا حاج ؟
المريض : أشتكي لمين أنا مش بشتكي الا لربنا
أنا : متشكرين يا حاج
المريض : عايز تعرف حاجة تانية؟؟
أنا: لاء شكراً يا حاج


.. بعدها رحنا معهد الكبد طبعاً رحنا يوم الخميس قالولنا يوم الخميس والجمعه قفلين يوم السبت من 9 ل 2 فتحين
عرفت إن هيا زي عيادة خارجية ورحت لواحد وافق إني اعمل معاة مقابله بس ماجبش وشة ولا ها اقول إسمة
الفديوو اهو


طبعاً حولت من مصدري اعرف عن المعهد أكتر عرفت إنة قائم اولاً وأخيراً علي التبرعات
المبنى الرئيسي
مبنى خمسة أدوار على مساحة 2600 متر مربع مبانى) وتشمل غرف الكشف والتحاليل والاشعة والمناظير والصيدلية و ومعامل الابحاث
ويستهدف المعهد علاج مايتخطى المائة ألف مريض بالعيادات الخارجية سنويا فضلا عن أنه يوفر 250 فرصة عمل فى كافة التخصصات الطبية والهندسية والادارية بالاضافة الى معامل الابحاث المتميزة فى مجال أمراض الكبد المختلفة.
نشأتها وأهدافها
 تقدم العلاج مجاناً لمرضى الكبد غير القادرين ، كما تساهم فى عمل ما يحتاجونه من فحوصات وتحاليل مع تقديم المساعدات المادية للأسر المحتاجة وذلك منذ نشأة الجمعية 1997 من خلال تبرعات أهل الخير.
 تهدف إلى رفع الوعى للوقاية من أمراض الكبد المنتشرة عن طريق الندوات والمحاضرات العامة والمتخصصة وورش العمل للسادة الأطباء ومعاونيهم ، كما تقود الجمعية الدعوة إلى حملة قومية للوقاية من أمراض الكبد .
 نظراً لنشاط الجمعية المتميز فى تبادل الخبرات العلمية مع الدول الأخرى ، فقد تم اختيارها عضواً فى مجلس إدارة اتحاد الجمعيات الأوروبية لرعاية مرضى الكبد ( ELPA ) فى يونيه 2004 .
 بدأت الجمعية فى إنشاء مستشفى ومعهد لبحوث أمراض الكبد بالجهود الذاتية ، ويقع المشروع على الطريق الزراعى بمساحة 4 فدان قبل مدينة شربين من ناحية المنصورة .
 تم بالفعل الانتهاء من عمل الرسومات الهندسية لهذا المشروع ، ووضع حجر الأساس ، وإعداد اللائحة الداخلية للمعهد على أساس التفرغ التام للعمل والبحث العلمى ليكون مركزاً مضيئاً لهذا التخصص تقدم فيه الخدمة العلاجية المتميزة لمرضى الكبد على أعلى مستوى .
 تم التعاقد مع شركة المقاولون العرب على المرحلة الأولى من المستشفى فى 6/1/2005 بتبرعات من أهل الخير ، الذين تدعوهم الجمعية للاستمرار فى دعم هذا المشروع حتى استكماله بإذن الله تعالى .
 يتم الان استكمال المرحلة الثانية بتكلفة حوالى 20 مليون جنية. تكتمل نهاية صيف 2009 العيادات الخارجية بتشطيبها.
 العيادات الخارجية تشمل ( 12 غرفة كشف، معامل التحاليل، الموجات الصوتية، اجهزة الاشعة ، المقطعية والرنين المغناطيسى، عيادات علاج اورام الكبد، تردد حرارى، حقن موضعى بالقسطرة، مناظير الجهاز الهضمى والكبد التشخيصية والعلاجية)
 من المتوقع تقديم خدمة لاكثر 88 ألف مريض سنويا. يوفر 250 فرصة عمل.
نشاطاتنا وخدماتنا
 ساهمت جمعية رعاية مرضى الكبد بالدقهلية فى تأسيس اتحاد الجمعيات الاوربية من خلال نشاطها فى التعاون مع الجمعيات المماثلة فى الدول الاوروبية المختلفة مما مهد لها الطريق لتكون أحد الاعضاء المؤسسين واحد اعضاء مجلس ادارة الجمعية الاوربية لرعاية مرضى الكبد التى سوف يمتد نظام عملها لتسجيل دول جمعية حوض البحر المتوسط بناء على طلب جمعية رعاية مرضى الكبد بالدقهلية وتم وضع ذلك فى اللائحة الداخلية لعمل الجمعية الاوربية مما يفتح مجالاً واسعاً للتعاون وتبادل الخبرات.
 القيام بنشر الوعى الصحى بطرق الوقاية ومكافحة أمراض الكبد فى المجتمع ، وذلك من خلال النشرات الدورية و إنشاء موقع على شبكة الإنترنت للتعريف بالجمعية ونشر الوعى بأمراض الكبد وتلقى استفسارات واقتراحات الجمهور
 السعى الحثيث لاستكمال مستشفى ومعهد بحوث الكبد ( للعلاج بالمجان ) من خلال المساهمات المادية وجمع التبرعات من أهل الخير.
 الاهتمام برعاية مرضى الكبد وأسرهم مادياً ومعنويا.
 تقديم العلاج مجاناً لمرضى الكبد كما تسهم في عمل ما يحتاجونه من فحوصات وتحاليل.
 تزويد المواطنين بالمعلومات اللازمة للوقاية من أمراض الكبد وطرق مكافحتها.
 استقبال المرضى الذين يرى الاستشاريون والأخصائيون أنهم بحاجة للمساعدة الاجتماعية بمقر الجمعية.
مشروع انشاء معهد بحوث الكبد
من الأهداف التى من أجلها تأسست الجمعية إنشاء مستشفى متخصص فى بحوث الكبد فى مصر والمنطقة العربية كلها تقدّم فيه الخدمة العلاجية المتميزة على أعلى مستوى، بالإضافة إلى معامل أبحاث ترقى للمستوى العالمي ووحدة وبائيات لرصد تطور انتشار أمراض الكبد بالمنطقة، ووضع استراتيجيات الوقاية منها.
كما سيكون بالمعهد كل الإمكانيات البشرية والعلمية التى تؤهله ليكون مركزاً علمياً لزراعة الكبد ، مما يخفف العبء عن آلاف المواطنين الذين يجوبون عواصم العالم بحثاً عن الشفاء من أمراض الكبد المزمنة.
وبعد الانتهاء من هذا المشروع فإنه سيوفر 250 فرصة عمل لأبناء المحافظة فى التخصصات الطبية والهندسية والإدارية، ويسمح بعلاج 88 ألف مريض سنوياً بالعيادات الخارجية وإقامة 19 ألف مريض سنوياً بأجنحة الإقامة ، وإجراء 1600 عملية جراحية سنوياً، بالإضافة إلى الأبحاث التى ستجرى بمعمل الأبحاث المركزية.
 بعد تبرع أحد أهل الخير ( الحاج/ العربى شامة ) بقطعة أرض مساحتها فدانين على الطريق الزراعى مباشرة قبل مدينة شربين ، أصدر السيد الأستاذ الدكتور محافظ الدقهلية قراراً بالموافقة على تصريح لجمع المال بمبلغ 10 ملايين جنيه من جميع الجهات والمصالح الحكومية بدءاً من 1/1/2002
.
-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*
القمامة

ميدان محمود سمك
القمامة اصبحت مشكلة غير طبيعية بتحيط بينا من كل نحية
قدام البيت
قدام الشغل
جمب العربية
وأنا قاعد كدا بليل فجأه تلاقي حاجة بترفرف في الهوا وطاااااااااااخ .. كيس زباله اترمى من واحدة ست سكنة في الدور الرابع ومع الجازبية والوزن عمل انفجر طرطش في قلب الشارع
غرق الشارع وانت نازل الصبح بتدعي علي الوليه الي رمت الكيس
أول حاجة عملناها رحنا مجلس المدينة
دخلت اسأل علي الموظفين المسؤلين لقيت واحد ممكن لو إتكلمت معاة يدلني عليهم
أنا :السلام عليكم
هو : وعليكم السلام ورحمة الله ، ها ؟
أنا : استاذ فلان موجود ؟
هو : لا والله مش هنا
أنا : اومال فين ؟
هو : مشي
أنا :طب هايجي إمتى
هو : لاء خلاص بقي الساعة بقت 12.30 أهو
أنا : ابتسامة عريضة هو إنتوا بتمشوا بعد الساعة 12 ؟
هو : أه الاغلبية يعني
أنا : طب لو سمحت الاستاذ كذا فين ؟
هو : تلاقية في المحل بتاعة في الشارع الفلاني
أنا : شكراً
خت واحدة من فريق العمل ورحنا له
دخلنا المحل . السلام عليكم
وعليكم السلام
أنا : أستاذ فلان فين ؟
شخص في المحل : هناك أهو ، زمانة جاي
دقائق كدا تقريباً وداخل علينا4
أنا : السلام عليكم
الموظف : وعليكم السلام
أنا : جيلك من طرف فلان الفلاني
الموظف : أها اهلاً بيك
أنا : عايز اعرف منك مشكله الزباله وكدا يعني
الموظف : عايز تعرف اية ؟! ،  وانت تبع مين اساساً؟!
أنا : إحنا بنعمل بحث ميداني عن الموضوع دا ، ومحتاج مسعدتك فية
الموظف : عايز تكتب مقال يعني ، أنا صحفي اصلاً .. صلي علي النبي
أنا : علية الصلاة والسلام
الموظف : صورلك كام صورة كدا ، وقول إن المجلس المحلي مش قادر يعين عماله علشان مش معاه فلوس
أنا : هو العامل بيقبض كام يا باشا ؟
الموظف : 500جنيه دا غير البدلات
أنا : طب مشغل كام واحد ؟
الموظف: حوالي 40 عامل
أنا: بيتقسمو إزاي بقي ؟
الموظف : كل منطقة 4 عمال ومشرف وجرار
أنا: وبيشتغلو كام ساعة ؟
الموظف: يعني من 7.30 \8 لحد 11.30 ملوش دعوة ولو شال مرة وواحد رما بعد ما فرد ضهرة مش هايشيله
أنا : أه طب لية ؟
الموظف : هو كدا
طبعاً الكلام سلبي ومفكرني جاي اعمل حاجة تقليدية
قلتله: بقلك اية يا استاذ أنا جاي اشوف حل وانا جتلك بصفتك واحد في المجلس وعايز اعرف منك الدنيا مشية إزاي ؟؟ ،  علشان نحلها سوا
الموظف: إنتم كام واحد في فريق العمل دا قلتله 6 قالي ماتنفعوش
أنا : أيوة إحنا الي ها نحط الحلول
الموظف : بص مفيش حل الا اللي أنا بقلهولك دا
تبقوا مجموعة كبيرة قيمة 50 /60 واحد كده بس متطلبوش فلوس من المجلس لأنه مافيهوش فلوس وتشتغلوا وتنضفوا بهدف انكم عايزين البلد تتنضف طبعاً
أنا كا باحث المفروض اصبر لحد ما يجيب كل اللي في بطنة وكان أخر حاجة ممكن يقولها سكت لحد ما واحد نده علية ،
أنا : عايز حاجة  ؟!
الموظف : متشكرين
أنا: سلام
الموظف : سلام
طبعاً مشيت رحت وصلت فريق العمل ورجت تاني مسكت واحد جارنا بيرمي الزباله بعيد عن البيت يجي ب 15 متر
أنا : إزيك يا فلان ؟
هو : تمام
أنا : إنت بترمي هنا لية ؟
هو : وهو أنا شفت صندوق زباله قريب ومارمتش فية ولا شوفت صندوق زباله حتى فاضي ومارمتش فية ؟!
أنا : يعني هي المشكلة عندك في صندوق الزباله ؟




هو : اه والله يعني ها اشوف المكان نضيف واروح اوسخة ؟
أنا : طيب وانت من رأيك الدنيا دي تتحل إزاي ؟
هو : عربيات الزباله تفوت كل يوم وتاخد الزباله من الصناديق والصناديق تفضل فاضيا ويحطوا صناديق كتير في الشوارع علشان الناس تحترم نفسها
أنا :طب ما هي ممكن تتسرق
هو : يا عم ما ممكن يخبطولها جلانشات في الارض يثبتوها لو جرار جة شدها مش ها تتحرك من مكنها هما لو عايزين  يحلوا حاجة هايحلوها
أنا : ماشي يا سيدي يعني هيى المشكلة كلها في الصناديق متأكد؟
هو : اه والله
المهم سبتة وطلعت وعملت إتصلاتي بناس مهتمين جداً بالموضوع دا وكانوا قدموة في المجالس المحلية ولعضو مجلس الشعب (الوطني المنحل) محدش عبرهم




الموضوع بيتلخص في الاتي

هو تمنوي اولاً واخيراً ومش محتاجين الحكومة معانا في اى حاجه إلا إنها  تدينا صلاحيه واحدة بس ..
1 نلم 20 جنية من كل شقة في البلد اول مرة بس
2 نجيب صنديق زباله وتتوزع كا الاتي
في الشوارع الرئيسية
1 زي مثلاً شارع السلك كل 50 متر صندوق زباله
صندوق شمال 50 متر صندوق يمين وهاكذا
2 في الشوارع الفرعية
كل 100 متر صندوق زباله وممكن تعدلها حسب الكثافة السكانية في الشارع
بنتفق مع شركات تدوير بتاخد القمامة دي بمقابل
العائد المادي دا هايكون في شباب متوظف علي المناطق اللي فيها صنديق القمامة دي مشرفين الشرف دا بيراقب المكان الي هوا فية بس وبيرصد المخالفات والمخالفة ب 10 جنية لو رميت ورقة علي الارض ب 10 جنية وتتضاعف لو تقررت المخالفة
والشباب دا بيكون لابس حاجة زي جاكيت  فسفوري زي بتوع المرور كدا بنطالب المحليات بس إنها تدينا الصلحية اننا ننفز المشروع دا والصلحية ان الشباب يقف في المكان دا ويرصد المخالفات ..


المراجع الخاصه بالمشروع من أول يوم لأخر يوم

1 محمد فتحي ليل
كبير مهندسي مرفق شربين (معاش)

أحمد النجار
مساح (مهندس مساحة)
دكتور مراد الشناوي (أخصائي امراض الكلي
دكتورة نجوي ابو العطي
دكتورة وفاء عصر
دكتور مدحت رمضان اخصائي باطنه

محمد العبد - صحفي
مكتب الاحصاء لمحافظة الدقهلية  تجميع بينات المحليات
مدرية المساحة
مدرية الصحة

موقع ويكيبديا
http://ar.wikipedia.org/wiki/%D8%B4%D8%B1%D8%A8%D9%8A%D9%86

http://ar.wikipedia.org/wiki/%D8%A7%D9%84%D8%AF%D9%82%D9%87%D9%84%D9%8A%D8%A9_%28%D9%85%D8%AD%D8%A7%D9%81%D8%B8%D8%A9%29

موقع المعرفة
http://www.marefa.org/index.php/%D8%B4%D8%B1%D8%A8%D9%8A%D9%86

الموقع الرسمي لمسشتفي ومعهد بحوث الكبد
http://elriah.com/

الصور تصوير فريق العمل
..